Тақырыбы:«Шуылдақтар–сыбырлақтар-үндеместер» ойыны.

 Мақсаты:Балалардың түстерді айыра білуін бақылау,ойынға қызығушылықтарын арттыру.

Керекті құралдар:Үш түсті алақан кескіндері, шарлар.

Жүру барысы:

Балаларға үш түрлі – қызыл, сары, көк түсті алақан кескіндері ұсынылады. Бұл белгілер (сигналдар). Жүргізуші адам қызыл алақанды «шуылдақты» көтергенде – жүгіруге, айқайлауға, қатты шулауға болады; ал сары алақанды – «сыбырлақты» көтергенде – жайлап қозғалып, сыбырлап сөйлесу керек, көк алақан көтерілгенде «үндемес» белгісі – балалар қозғалмай бір орында отырып немесе жатып қалу керек. Ойынды «үндемеспен» аяқтаған дұрыс.