инф.акпарат ш.код-1 (1) (жүктеу)
С.Ж. Асфендияров атындағы Қазақ Ұлттық медицина университеті
Молекулалық биология және медициналық генетика кафедрасы
Ақпараттық хат
Құрметті әріптестер,
С.Ж.Асфендияров атындағы Қазақ Ұлттық Медициналық Университетінің, молекулалық биология және медициналық генетика кафедрасы 2018 жылдың 30-31 наурызында өтетін «Health Sciences» атты бірінші Халықаралық Студенттік конгреске қатысуға шақырамыз. Мекен — жайы Алматы қаласы, Төле би, 94 оқу-ғимараты.
Конгресс бағдарламасын озат ғалымдардың дәрістері және негізгі баяндамалары сонымен қатар, пленарлық отырыстар, мастер-кластар және тәжірибелік жұмыстар, ауызша және стендік баяндамалар, презентациялар құрайды.
«Health Sciences» атты конгресі молекулалық биология және медицина бойынша жаңа талдауларға, зерттеулердегі жаңа ойлармен, қадамдармен танысуға және осы саладағы сарапшылармен жұмыс жасауға мүмкіндік береді. Біздің басты спикерлер Гарвард Университеті, Пенсильвания штаты Университеті, Огайо Университетінің ғалымдары. Конгресте басты спикерлердің және отандық ғалымдардың жақын арада ашқан жаңалықтары жəне жаңа, қызықты ғылыми мәліметтері көрсетіледі. Сонымен қатар конгресте зерттеу дағдылары бойынша мастер-кластар мен тәжірибелік дағдылар бойынша семинарлар өткізіледі.
Біздің конгрестің негізгі мақсаты — жас, жігерлі студенттерді, магистранттарды, докторанттарды біріктіру және әр түрлі саладағы ғалымдардың ойларымен сұхбаттасу, өзекті тақырыптарда пікір алмасу, сонымен қатар ғалымдардың озық білімдерімен және жұмыстарымен таныстыру.
Конгресс молекулалық биология және медициналық генетика саласындағы ғылыми зерттеуге деген қызығушылығы бар дәрігер-студенттер мен биологтарға арналады.
Конгресте жасанды ортада біріншілік жасушаны өсіру және биоинформатика бойынша мастер-класстар өткізіледі.
Конгресс қатысушыларына ғылыми секциялармен қатар, қаланың көрнекті жерлеріне саяхат жасауға мүмкіндік туады. Саяхат бағыттары және басқа да сұрақтар бойынша сайт парақшасымен мұқият танысыңыздар.
Ғылыми баяндамалар төменде көрсетілген секциялар бойынша қарастырылады:
- биомедицина
- биотехнология
- биофизика
- биоинженерия
- биоинформатика
- молекулалық биология
- жасушалық биология
- медициналық генетика
- популяциялық генетика
- даму генетикасы
- биомаркерлер / диагностика
- молекулалық-генетикалық әдістер
- жеке даралық медицина
- фармакогеномика
- эпигеномика
- гендік терапия
- наномедицина
ISCHS 2018 конгреске ұсынылған тезистер, ауызша және постерлі баяндамалар әділ-қазылар алқасының саралауымен бағаланады.
Бірінші кезеңде тезистер іріктеліп, ауызша баяндама түрінде ұсынылған жұмыстарға шақыру қағаздары жіберіледі. Барлығы 15 ауызша баяндама іріктелініп алынады. Жұмыстар көрсетілген бағалау өлшемдері бойынша бағаланады. Ғылымилығы, жаңалығы, зерттеудің түпнұсқалығы, маңыздылығы ескеріледі.
Екінші кезең, конгрестің жабылу күнінде, жасалған баяндамалардан әділқазылар алқасы үш үздік баяндамаларды таңдап алып, марапаттайды. Ауызша баяндамаларды бағалау өлшемдері бірінші кезеңге қарағанда өзгеше. Бұл жерде берілген жұмыстың нақтылығы мен айқындылығы, материалдың еркін игерілуі, сұрақтарға нақты жауап берілуі, берілген реттілікті сақтауы т.б. ескеріледі.
Үшінші кезеңде постерлік баяндамалар бағаланады. Постерлік баяндама жұмыстары: безендірілуі, мазмұны, ғылыми жаңалығы, жүргізілген зерттеулері, жұмыстың маңыздылығы, сұраққа жауап беруі бойынша бағаланылады. Конгрестің жабылу күні постерлік баяндамалардың жеңімпаздары да басқалармен бірге марапаттауға ұсынылады.
ISCHS 2018 конгреске қатысу үшін Сіз, көрсетілген сілтеме бойынша http://ischs.kaznmu.kz/en/ тіркеле аласыз. Тіркелу мерзімі 10.03.2018 ж. дейін.
Барлық сұрақтар бойынша Жумагул Мөлдір Жақыпжановнаға байланыс телефоны – +7702-395-99-07, Нугуманова Нургуль Иманмаликовнаға байланыс телефон +7771-191-01-95, e-mail: ischs2018almaty@gmail.com хабарласуларыңызға болады.
Конгресс президенті
Молекулалық биология және медициналық генетика кафедрасының меңгерушісі, профессор Р.Т. Джумашева